Ka dalë fotografia e Fation Bicit, 16-vjeçarit që mbeti viktimë e sulmit me thikë nga një grup adoleshentësh në Gramsh, pas një konflikti në rrjetet sociale.
Advertisements
Bici u godit me thikë në zemër gjatë sherrit mes 5 adoleshentëve, teksa kishte ndërhyrë për të shuar konfliktin.
Advertisements
Vetëm disa orë pas ngjarjes, policia arrestoi 4 adoleshentët me iniciale Xh. Ç., 15 vjeç, O. Ç, 14 vjeç, E. K., 15 vjeç dhe S. M., 16 vjeç, të cilët dyshohet se në bashkëpunim me njëri-tjetrin pas konfliktit plagosën me thika viktimën dhe 15-vjeçarin Marko Liçi.
Uniformat blu sekuestruan pas ngjarjes 3 thika, 2 përforcues grushti dhe 5 celularë.
Mësohet se i plagosuri ndodhet në spital jashtë rrezikut për jetën.
Njoftimi i policisë:
Specialistët për Hetimin e Krimeve ndaj Personit, Pasurisë të miturve dhe Dhunës në Familje të DVP Elbasan, në vijim të hetimeve të kryera në drejtimin e Prokurorisë, kanë bërë arrestimin në flagrancë të shtetasve Xh. Ç., 15 vjeç, O. Ç, 14 vjeç, E. K., 15 vjeç dhe S. M., 16 vjeç.
Më datë 16.05.2023, rreth orës 13:30, këta shtetas, dyshohet se në bashkëpunim me njëri-tjetrin, pas një konflikti të çastit, në lagjen “Sporti 2”, Gramsh, në rrugë, kanë plagosur me mjete prerëse (thika), shtetasit e mitur F. B., 16 vjeç dhe M. L., 15 vjeç. Nga dëmtimet e marra, shtetasi F. B. ka humbur jetën, ndërsa shtetasi M. L. vijon të jetë në kujdesin e mjekëve, jashtë rrezikut për jetën.
Në cilësinë e provës materiale u sekuestruan 3 mjete prerës (thika), 2 përforcues grushti dhe 5 celularë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
