Irena varrosi trupin që i thanë se është i vëllait të saj në datën 20 Gusht të 2013-ës. Rreth 6 muaj më pas, autoritetet italiane i thanë në Janar të vitit 2014, të shkojë edhe të tërheqë arkivolin e vëllai të saj.
Advertisements
Ajo ka ardhur në rubrikën “Ka një mesazh për ty” në “E Diela Shqiptare” në Tv Klan pasi ka shumë pikëpyetje mbi vdekjen dhe kufomën e vëllait të saj në Itali.
Advertisements
Irena ndihet e pikëlluar pasi prej 10 vitesh, ajo nuk e di nëse trupi që prehet në Shqipëri është i vëllait të saj apo jo.
Ardit Gjebrea: Ju a e identifikuat trupin?
Irena: Jo, unë nuk e kam parë kurrë atë trup dhe problemi më i madh është se dolën 2 arkivola. Një arkivol e kemi varrosur me 20 Gusht të 2013-ës dhe një arkivol me 3 Janar të 2014-ës. Shteti italian më ka thënë “Irena, hajde tërhiq trupin e vëllait tënd”.
Ardit Gjebrea: Ndërkohë ju e kishit varrosur atë?
Irena: Po, unë e kisha varrosur trupin.
Ardit Gjebrea: Autoritetet italiane ju kanë dorëzuar 2 trupa me një emër, si ka mundësi?
Irena: Puna e morgut është pak e komplikuar sepse ne nuk kishim mundësi financiare në atë moment. U mundova me Ministrinë e Jashtme, me Ambasadën Italiane, me Rajonin Numër 6, me Avokatin e Popullit.
Ardit Gjebrea: Italiani ju tha që trupin e keni në filan morg, ai të tha adresën e morgut?
Irena: Unë nuk kam kontaktuar me asnjë sepse nuk dija italisht, babai im ka një kushëri të vetin atje dhe i thashë që “unë nuk mundësi financiare, a ka mundësi që të shkosh ti, ta jap unë adresën, emrin dhe vendin që ta kontrollosh dhe a është apo nuk është ai.” Ai tha se ishte vëllai, por nuk e pa kush. Ai e ka sjellë një trup këtu, por ne nuk e kemi parë. Nuk dija asgjë.
Ardit Gjebrea: Erdhi arkivoli dhe ju me të tuajën varrosët vëllain?
Irena: Po.
Ardit Gjebrea: Pastaj ju njoftojnë nga Italia që “hajde tërhiqni trupin e vëllait”?
Irena: Ka qenë data 3 Janar kur na erdhi një bombë e madhe dhe na thanë që “ai trup nuk është i vëllait tuaj”. Ai është i varrosur, kufoma e parë, kufomën e dytë nuk kisha mundësi. Kufomën që më tha shteti italian në 2014, hajde merre, unë i thashë që e kam një arkivol dhe një vëlla e kam varrosur dhe në Janar të 2014-ën, kush është aty sepse ai nuk është vëllai im.
Ardit Gjebrea: Trupin e parë a jua dhanë autoritetet italiane?
Irena: Nuk e di si ka dalë trupi, por unë nuk kam asnjë dokument, as se ka ardhë me avion, as se ka ardhë më anije dhe as se ka ardhë dhe as nuk e kam idenë se kush e ka dërguar.
Ardit Gjebrea: Si ju erdhi trupi këtu?
Irena: E marr kushëririn dhe më thonë që “dil në Durrës në orën 8 dhe na sjell njerëzit”. Ne 2 javë kemi mbajtur zi, kemi hapur dyert e morgut. Unë ja di për faleminderit që ma ka sjellë sepse unë nuk kisha mundësi. Herën e dytë nuk kam shkuar për ta marrë arkivolin e dytë. Dhe kur shkoj tek varri, vijnë ato ndjenjat që qan me zemër. Kur e tregoj historinë më dhemb zemra se ku e kam. Kam thirrur dhe prindërit që të ju jap një mesazh. Mami ka kaluar depresion shumë të madh. Të të vdesë fëmija në shtëpi, e qan dhe e di se ku e ke një varr, por të vdesë djali në kurbet në Itali, shkon e qan 10 vjet por nuk e di se kush është. Nuk na lanë ta hapnim arkivolin, ishim të shokuar total. Arkivoli, siç la ardhur nga Italia, është i varrosur./tvklan.al