Kur kanë kaluar më shumë se 3 javë nga nisja e njoftimit për të garuar për kreun e ri të SPAK, Këshilli i Lartë i Prokurorisë njofton se nuk ka asnjë kandidat të interesuar nga radhët e prokurorëve.
Advertisements
Në një njoftim për mediat, KLP sqaron se “Deri ditën e sotme më datë 10.10.2022, pranë KLP-së nuk ka shprehur interes asnjë prokuror, për pozicionin e drejtuesit të Prokurorisë së Posaçme. Në momentin që do të kemi kërkesa për kandidaturë, do të njoftoheni”.
Advertisements
Afati i fundit i aplikimit dhe dorëzimit të kandidaturave është 2 nëntor 2022, ndërsa mandati i drejtuesit aktual të SPAK, Arben Kraja skadon më 18 dhjetor.
Kjo është edhe data kur KLP do të zgjedhë drejtuesin e ri. KLP hapi garën më 16 shtator dhe kandidatët kanë afat 45 ditë për të paraqitur platformat.
