Të tjera detjae të rënda janë zbardhur nga ngjarja tronditëse e ndodhur në Greqi, ku një foshnje ndërroi jetë pasi babai e harroi brenda në makinë.
Advertisements
Mësohet se pas ngjarjes në Artë prindërit kanë tentuar të vetëvriten, teksa nëna është hedhur nga ballkoni i spitalit ndërsa babai ka tentuar që të vetëvaret me kabllo televizori.
Advertisements
Ndërkohë pritet që të dalë autopsia e foshnjës për të zbardhur rrethanat në të cilat humbi jetën tragjikisht foshnja.
Prokurori Artas ka proceduar dje babain e foshnjës 37-vjeçare për vrasje nga pakujdesia.
Mësohet se ngjarja e rëndë ka ndodhur pasi prindërit ishin nisur për punë, ndërsa babai 37-vjeçar kishte foshnjën me vete për ta lënë në çerdhe.
Por fatkeqësisht ai ka harruar që ta lërë vogëlushen në çerdhe, por ka shkuar direkt në punë ku ka parkuar dhe mbyllur makinën duke harruar se foshnja ishte e lidhur me rrip në sediljen e fëmijës, në sediljen e pasme të automjetit! Më pas ai mori një makinë kompanie për të shkuar në Lefkada ku e dërgoi shërbimi i tij.
Kur gruaja mbaroi punë dhe shkoi në çerdhe për të marrë fëmijën, ajo mbeti e shtangur kur dëgjoi punonjësit e çerdhes që i thanë se fëmija nuk kishte qenë atë ditë.
E mërzitur, ajo telefonoi të shoqin dhe me ankth e pyeti se ku ishte foshnja.
Pas kësaj, 37-vjeçari ka vrapuar menjëherë drejt makinës së tij dhe ka gjetur vogëlushen të lidhur me rripa në sediljen e saj, pa ndjenja dhe me shkumë nga goja. Ai e dërgoi menjëherë në spital, ku mbërriti në orën 2.55 të së martës pasdite dhe mjekët nisën përpjekjet për ta ringjallur. Por ishte tepër vonë për foshnjën fatkeqe, e cila tashmë kishte dhënë frymën e fundit.