Një 37-vjeçare është arrestuar nga policia e Tiranës, pasi tentoi t’i vinte flakën një farmacie në rrugën “Luigj Gurakuqi”.
Advertisements
Nga pamjet filmike të publikuara nga policia, shihet 37-vjeçarja teksa spërkat me benzinë farmacinë në kryeqytet. Pretendimi i gruas për veprimin e kryer ishte se ilaçet e blera në këtë farmaci i kishin shkaktuar probleme shëndetësore.
Advertisements
Në cilësinë e provës materiale u sekuestruan një bidon me lëndë djegëse dhe një aparat celular.
Materialet në ngarkim të saj i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
“Si rezultat i këtij operacioni u identifikua dhe u ndalua shtetasja: M. K., 37 vjeçe, banuese në Tiranë.
Nag veprimet hetimore dyshohet se kjo shtetase ka tentuar të djegë një farmaci, në rrugën “Luigj Gurakuqi”, duke i hedhur lëndë djegëse, me pretendimin se ilaçet që kishte blerë në këtë farmaci i kishin shkaktuar probleme shëndetësore”, njofton policia.
