“Për shkak të zgjedhjeve në Turqi prishen martesat”, një grua humb durimin kur i shoqi pranon se për kë do të votojë

Turqia nuk ka parë zgjedhje si këtë fundjavë për dy dekada.

Recep Tayyip Erdogan do të duhet të shkojë në raundin e dytë të zgjedhjeve presidenciale

Pas dy javësh kundërshtari i tij do të jetë lideri i opozitës Kemal Kılıçdaroğlu.

Ndërkohë, për shkak të zgjedhjeve, sipas një komentuesi në Twitter, martesat po prishen.

Një video e një intervistuesi që në një moment mesa duket pyet një çift të martuar se për kë do të votojnë në zgjedhjet e ardhshme, po përhapet me shpejtësi në rrjetet sociale.

Burri i përgjigjet pyetjes: “Për Erdoganin, sigurisht!” dhe më pas gruaja e mërzitur e ndjek pas duke e goditur pas shpine: “Për Kiliçdaroglu sigurisht!”.

Ndërkohë videon në rrjetet sociale e kanë parë mbi 1.5 milionë njerëz.

“Divorci! Për këtë do të ketë kaos në shtëpi…”, ka shkruar një nga teleshikuesit. “Ky nuk do të hajë darkë!”, përfundoi një tjetër. /Telegrafi