Kohët e fundit kuptova se gruaja ime 20-vjeçare ka një llogari bankare me rreth 50,000 euro që nuk mi kishte treguar.
Advertisements
Kështu shkruan në letrën për sektorin e këshillimeve në New York Post, një burrë në moshë të re.
Advertisements
Ai shpjegon: “Paratë erdhën nga trashëgimia e saj pasi prindërit i vdiqën. Ajo këmbëngul se dëshiron t’i përdorë në pushime që mund t’i shijojmë së bashku në të ardhmen, por nuk mund të mos ndihem i shqetësuar për këtë, sepse u mbajt sekret për kaq shumë kohë.
Po ashtu, ajo kurrë nuk i diskutoi me mua planet e saj për paratë dhe unë nuk kam akses në këto para nëse diçka e tmerrshme mund t’i ndodhte papritur.
Të ardhurat tona kanë qenë gjithmonë para për të gjithë familjen dhe tani ndihem i tradhtuar. A duhet ta fle mendjen, apo ato para duhet të ndahen?
Në përgjigjen nga eksperti i këshillimit financiar familjar, thuhet: E kuptoj pse kjo të duket si një tradhti. Çiftet zgjedhin të ndajnë paratë në të gjitha llojet e mënyrave. Çështja e vërtetë këtu nuk është se si vendosni t’i shpenzoni paratë, por mungesa e ndershmërisë në marrëdhënien tuaj.
Jam i hutuar se pse gruaja jote do ta mbante këtë sekret nga ty – siç jam i sigurt që je edhe ti. Nuk mund të mos pyes veten se çfarë tjetër po ndodh këtu.
Megjithatë duhet të dini se çiftet gjejnë mënyra të ndryshme për të menaxhuar paratë së bashku.
Nuk ka asnjë mënyrë të duhur, perfekte apo standard i zbatueshëm për të gjithë, që çiftet të menaxhojnë financat së bashku. Ka shumë opsione për këtë dhe ajo që duket e drejtë do të varet nga shumë faktorë.
E di që jo të gjithë do të pajtohen me këtë, por mund t’i kuptoj absolutisht njerëzit (veçanërisht gratë) që mbajnë paratë e tyre veçmas gjatë një lidhjeje.
Por fakti që ndihesh i befasuar dhe i tradhtuar nga ky fakt, është ajo që më shqetëson.
Marrëdhëniet e shëndetshme përfitojnë nga bisedat e hapura për paratë
Bisedat për paratë mund të jenë sfiduese. Por është e dobishme për çdo çift që të ketë rregullisht biseda të hapura dhe të sinqerta për paratë.
Edhe kur çiftet zgjedhin të ndajnë financat, është e dobishme të siguroheni që të dy jeni ende në të njëjtën linjë dhe në përputhje me qëllimet e përbashkëta që mund të keni.
Ka shumë pyetje që kam për ju.
Keni pasur biseda të hapura për paratë? A keni vendosur synime financiare së bashku? A keni bërë ndonjëri prej jush pyetje specifike në lidhje me asetet dhe kursimet? Si janë marrë më parë vendimet financiare mes jush?”
E ndërkohë ajo që duhet të kihet parasysh është se mbajtja e parave nuk është uzurpim i tyre, por menaxhim, administrim. Nëse një prej jush në çift, ka peshën më të madhe të blerjes së produkteve dhe shërbimeve, është mëse normale që t’i menaxhojë ai ose ajo paratë e të dyve.
Mos e shihni me sy xheloz apo cmire, por si shërbim që nuk ju mungon por përkundrazi edhe ju rehaton. /noa.al