Kjo është 35-vjeçarja e cila humbi jetën në aksidentin tragjik në aksin rrugor Krane-Qafë Botë mëngjesin e sotëm.
Advertisements
Nëna e tre fëmijëve, Adriana Prendi kishte martuar vëllain dhe po kthehej drejt Greqisë, ku edhe jetonte me familjen, por aksidenti rezultoi fatal për të.
Advertisements
Të plagosur në aksident mbetën edhe bashkëshorti i saj, Gëzim Prendi, i cili drejtonte mjetin dhe një pasagjer, 37-vjeçar Emanuel Gera, që ndodhet jashtë rrezikut për jetën.
Sipas uniformave blu, aksidenti ndodhi rreth orës 05:50 në dalje të Konispolit.
Mësohet se 43-vjeçari Gëzim Prendi, ka humbur kontrollin e mjetit dhe për pasojë makina ka dalë nga rruga.
Njoftimi i policisë:
Rreth orës, 05:50, të mëngjesit të sotëm në aksin rrugor Krane-Qafëbotë, në dalje të Konispolit, automjeti tip “Volksëagen”, me drejtues shtetasin G. P., 43 vjeç, ka dalë nga rruga, dhe për pasojë ka humbur jetën pasagjerja, shtetasja A. P., 35 vjeçe, bashkëshortja e 43-vjeçarit, banuese në Konispol.
Si dhe ka pësuar dëmtime pasagjeri tjetër në këtë automjet, shtetasi E. G., 37 vjeç, i cili ndodhet jashtë rrezikut për jetën.
Grupi hetimor ka shkuar menjëherë në vendngjarje dhe po punon për sqarimin dhe dokumentimin e rrethanave dhe shkakut të aksidentit, ku paraprakisht dyshohet se drejtuesi i automjetit ka humbur kontrollin mbi drejtimin e automjetit dhe për pasojë automjeti ka dalë nga rruga.
