Ka ndërruar jetë në moshën 35-vjeçare aktori i njohur, Evan Ellingson. Lajmi i trishtë është bërë i ditur nga TMZ, që shkruan se ai u gjet i vdekur në shtëpinë e tij.
Advertisements
TMZ e konfirmoi lajmin nga zyra e mjekësisë ligjore e Departamentit të Sherifit të Qarkut San Bernadino. Nga ana tjetër, shkaku i vdekjes së 35-vjeçarit nuk është përcaktuar ende.
Advertisements
Ndërkohë Ellingson ishte më i njohur për paraqitjen përballë Cameron Diaz si Jesse Fitzgerald në filmin e vitit 2009, “My Sister’s Keeper”. Ai gjithashtu pati një rol të përsëritur në CSI: Miami si djali i personazhit të David Caruso, duke aktruar në 18 episode midis 2007 dhe 2010.
Aktori i njohur ishte një personazh kryesor në 19 episode të sitcom Complete Savages nga 2004 deri në 2005. Para vdekjes së tij, 35-vjeçari dukej se kishte bërë një hap prapa nga Hollywood-i.
Paraqitja e tij e fundit në ekran është nga CSI: Miami në 2010. Sipas “Page Six”, Evan ka një vajzë, Brooklynn, e cila ka lindur në vitin 2008.
