Një aksident i rëndë raportohet të ketë ndodhur pasditen e sotme në Tiranë, në aksin rrugor Sauk-TEG.
Advertisements
Paraprakisht mësohet se tre makina janë përplasur me njëra-tjetrën. Siç shihet në këto pamje të mbërritura në redaksinë e tvklan.al, një prej drejtuesve të automjeteve ka mbetur i plagosur rëndë.
Advertisements
Ai mund të shihet në pamje pa ndjenja në timon, ndërsa ekipet e emergjencës i vijnë në ndihmë.
Zyrtarisht policia e Tiranës tha se i plagosur nga kjo ngjarje ka mbetur një 40-vjeçar, i cili është dërguar në spital dhe ndodhet nën kujdesin e mjekëve.
Aksidenti krijoi radhë të gjata automjetesh në këtë aks. Sa i përket rrethanave autoritetet policore ndodhen në vendin e ngjarjes dhe kanë nisur punën për zbardhjen e tyre.
“Më datë 20.06.2023, rreth orës 17:25, në rrethrrotullimin e TEG-ut janë përplasur automjetet me drejtues shtetasit D. B., 40 vjeç, E. Sh., 23 vjeç, dhe F. H., 30 vjeç. Si pasojë e përplasjes është dëmtuar shtetasi D. B., dhe ndodhet në spital, nën kujdesin e mjekëve. Grupi hetimor po punon për sqarimin e rrethanave të aksidentit.”, thuhet në një njoftim paraprak të policisë së Tiranës./tvklan.al
