Të paktën 12 persona humbën jetën dhe 19 të tjerë u plagosën si pasojë e aksidentimit të një autobusi të pasagjerëve në një park në lagjen Sorgun të Yozgat, Turqi.
Advertisements
Sipas mediave të huaja, autobusi i pasagjerëve 58 ADA 924, që i përkiste Kamil Koç Turizm dhe nën drejtimin e Adem Tatlısu, që udhëtonte nga Sivas për në Stamboll, doli jashtë kontrollit në afërsi të kryqëzimit Mükremin të autostradës Sivas-Yozgat dhe u përplas në një park.
Advertisements
Pas njoftimit, në vendngjarje janë nisur ekipet e shëndetësisë, policisë, xhandarmërisë dhe AFAD.
Në aksident humbën jetën İlker Akdağ, Adem Tatlısu, Eymen Kadir Hasgül, Hakan Hasgül, Züleyha Hasgül, Mustafa Altun, Hatice Yıldırım, Serdal İçeloğlu, Feyzullah Dikçal, Mahmure Dikçal, Raziye Erdoğan dhe Caner Kuzgun.
Mësohet se gjendja e një prej 19 të plagosurve që u dërguan në spitalet e rretheve Yozgat dhe Sorgun është e rëndë.
Ndërkohë po punohet për zbardhjen e plotë të shkaqeve të aksidentit.