Një skandal i padëgjuar më parë ka ndodhur në spitalin e Pejës në Kosovë. Një foshnjë e pajetë 32 javëshe, (8 muajshe) e mbështjellë me çarçafë është futur në lavatriçe, duke dalë prej andej e copëtuar.
Advertisements
Përkundër insistimit të stafit spitalor që ky rast i tmerrshëm të mbahet fshehur, familjarët kanë njoftuar policinë.
Advertisements
Në një intervistë për gazetaren e “Shqipëria Live”, Luçiana Hulej babai i foshnjës thotë se dyshimi i lindi ngaqë spitali nuk po dorëzonte trupin e foshnjës.
Ai e ka parë vetë me sytë e tij kur punonjësi ka nxjerrë copat e bebit dhe i ka vendosur në qese. Babai thotë se nëna e foshnjës është shumë keq nga gjendje emocionale dhe se lajmin e ka marrë vesh nga mediat. Ai kërkon drejtësi, të vihen para përgjegjësisë personat që i shkaktuan këtë dhimbje.
Ngjarjen e ka konfirmuar edhe Policia e Kosovës, e cila ka thënë se po kryhen hetime nga Prokurori i Shtetit dhe Inspektoriati i Shëndetësisë.
Intervista:
Kur ka ndodhur ngjarja?
Ditën e hënë të javës së kaluar, po bëhen gati dy javë
Ju shkuat në spital, çfarë ndodhi?
Shkuam për të bërë procedurat që na përkisnin. E kishte ndodhur rasti që e kishin vendosur në disa çarçafë. Donin me na shty edhe pak , edhe pak, derisa e kuptuam.
Si e kuptuat?
I pamë individët që bënin sa andej-këtej. Pamë disa persona dhe i ndoqëm deri te lavatriçja. Pamë një njeri të stafit që kapte copat e trupit të foshnjës duke i futur në qese, tmerri më i madh. Rast që nuk ishte dashur me ndodhur brenda një spitali. Neglizhencë e punës. Duhet me pas një përgjegjësi për këtë.
Çfarë ndodhi më pas?
Infermierja kryesore insistoi të mos merrnim policinë, nuk kishte ndonjë arsyetim. Nuk donte të bëhej diçka e madhe për të mos ulur imazhin.
Është në dijeni bashkëshortja?
E ka marrë vesh lajmin nga mediat dhe nuk kam qenë pranë saj. Ajo është te familja e saj. Është tronditëse, nuk e ka ditur askush. Një nga prindërit e mi nuk e di akoma.
Më e rënda ishte kur e çova vajzën me e varrosur, e baba më tha me e pa. I thashë babit jo se e kanë mbështjellë mirë ata në spital.