Eldi Allushi është i riu nga Durrësi që u ngjit mbi digën e Liqenit Artificial në Tiranë mëngjesin e kësaj të marte. 26 vjeçari ka qenë duke lëvizur me shpejtësi nga Rruga e Kosovarëve dhe makina BMW X6 ka përfunduar në pedonale.
Advertisements
Ngjarja ka ndodhur rreth orës 05:15 dhe i riu është larguar nga vendi i aksidentit menjëherë.
Advertisements
Policia e Tiranës e ka shpallur në kërkim Eldi Allushin dhe thotë se materialet procedurale do t’i kalojnë Prokurorisë së Tiranës, për veprime të mëtejshme, për veprat penale “Shkatërrimi i pronës” dhe “Largimi nga vendi i aksidentit”.
Informacion, Drejtoria Vendore e Policisë Tiranë
Më datë 22.08.2023, rreth orës 05:15, në Rrugën e Kosovarëve, dyshohet se automjeti tip “BMË” me drejtues shtetasin E. A., 26 vjeç, banues në Durrës, ka dalë jashtë rruge dhe është ngjitur në skarpatin e digës së liqenit, më pas është përplasur me bordurën mbrojtëse anës liqenit.
Drejtuesi ka braktisur automjetin dhe është larguar nga vendi i aksidentit.
Materialet procedurale do t’i kalojnë Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale, për veprat penale “Shkatërrimi i pronës” dhe “Largimi nga vendi i aksidentit”.