Hader Adnan, një zyrtar i lëvizjes së Xhihadit Islamik Palestinez, pas një greve urie 87-ditore për të protestuar ndaj burgosjes së tij në Izrael, ka ndërruar jetë.
Advertisements
Pasi u publikua lajmi për vdekjen e tij, u hodhën raketa nga Rripi i Gazës, ku Xhihadi Islamik Palestinez ka një prani të fortë, në Izrael, zbuluan gazetarët e AFP. Ushtria izraelite tha se sirenat e mbrojtjes ajrore u dëgjuan në një kibuc pranë Rripit të Gazës, përpara se të thoshte se gjithsej tre raketa u lëshuan, të gjitha të cilat ranë në parcela boshe toke.
Advertisements
Drejtoria e burgjeve të Izraelit njoftoi në një deklaratë për shtyp vdekjen e një të burgosuri që i përkiste Xhihadit Islamik Palestinez, pasi ai “u gjet pa ndjenja në qelinë e tij” dhe u dërgua në një spital.
Xhihadi Islamik Palestinez dhe Shoqata e të Burgosurve Palestinez konfirmuan për AFP vdekjen e Hader Adnanit në moshën 45-vjeçare. Një shoqatë e të burgosurve palestinezë në Rripin e Gazës u ankua për agjencinë e lajmeve Reuters se ai u “ekzekutua me gjakftohtësi” nga autoritetet izraelite.
Izraeli “do të paguajë çmimin e këtij krimi”, deklaroi Xhihadi Islamik Palestinez, një organizatë e klasifikuar si “terroriste” nga Izraeli, SHBA dhe BE.
“Rezistenca do të vazhdojë me forcë dhe vendosmëri,” shtoi ai.
