Ndodh për herë të parë që nga viti 2014, temperaturat thyejnë rekord në këtë vend, nuk do ta besoni sa gradë regjistron termometri

Temperaturat në Pekin arritën 40 gradë Celsius sot për herë të parë që nga viti 2014, duke thyer rekordin për ditën më të nxehtë të qershorit.

Një stacion meteorologjik në periferi jugore të Pekinit regjistroi një temperaturë prej 40,1°C në orën 14:30, sipas shërbimit meteorologjik bashkiak, vlera e 40 gradëve është tejkaluar për herë të parë që nga 29 maji 2014.

E enjtja ishte gjithashtu dita më e nxehtë në Pekin për muajin qershor që kur filluan të mblidheshin të dhënat moderne meteorologjike. Rekordi i mëparshëm u regjistrua më 10 qershor 1961, me merkurin që arriti në 40.6°C.

Më herët sot, qyteti me afro 22 milionë banorë lëshoi ??një alarm, niveli i dytë më i lartë në sistemin e paralajmërimit të motit, duke thënë se temperaturat mund të rriten në 39C në shumicën e pjesëve të qytetit nga sot deri të shtunën.

Kina ka një sistem paralajmërimi me katër nivele, ku niveli ‘i kuq’ është më i larti, i ndjekur nga portokallia, e verdha dhe bluja. Alarmi ‘portokalli’ lëshohet kur temperatura maksimale kalon 40°C në një ditë të vetme, ose temperatura maksimale mbetet mbi 37 gradë për dy ditë rresht.