Kastriot Ramadani quhet viktima e mbrëmjes së djeshme, pas një sherri masiv në një klub nate në Prishtinë.
Advertisements
Përleshja me armë zjarri në qendër të kryeqytetit ka rezultuar fatale për Ramadanin, i cili ndërroi jetë në në spital në orët e para të mëngjesit të sotëm.
Advertisements
Mësohet po ashtu se, viktima ishte pjesëtar i Forcave të Sigurisë së Kosovës.
“Po, ka vdekur një prej personave të plagosur mbrëmë, një 39-vjeçar. ishte nën kujdesin intensiv kishte intervenim kirurgjik por për shkak të lëndimeve të mëdha, fatkeqësisht ka vdekur në orët e hershme të mëngjesit të sotëm”, tha doktori Shaqir Uka për mediat vendase.
Ndërkohë, 21 persona kanë mbetur të lënduar pas të shtënave me armë zjarri në një lokal në qendër të Prishtinës, katër prej të cilëve me armë zjarr, ndërsa të tjerët, shumica vajza, nga copat e xhamave apo sende të tjera gjatë përleshjes.
Po ashtu raportohet se ngjarja ka ndodhur pas një mosmarrëveshje mes dy grupeve, por pa u ditur saktësisht arsyeja primare.
Policia dhe grupi hetimor kanë shoqëruar disa të rinj, si persona që kanë dijeni për ngjarjen.