Ish-zv.kryetari i Bashkisë Kukës, Granit Gjana, i cili u emërua në këtë detyrë nga Safet Gjici, është pezulluar nga puna si Prefekt i Qarkut, pas është marrë nën hetim nga Prokuroria e Posaçme për abuzim me tendera me vlerë 210 milionë lekë (të vjetra) për naftën.
Advertisements
Pas kërkesës së SPAK, GJKKO ka caktuar masën e sigurimit personal ndalues të “Pezullimi i ushtrimit të një detyre a shërbimi publik”, për Ganit Gjanën, ndaj të cilit është ngirut akuza për shkelje të barazisë në tendera.
Advertisements
Ish-zyrtari dyshohet se nuk ka pasijur në kohën e duhur me Autorizimin për tregtimin e lëndëve djegëse një subjekt privat, i cili kishte kryer pagesat e nevojshme dhe dorëzuar dokumentacionin pranë organit shtetëror sipas ligjit.
Ai e ka penguar subjektin të kualifikohet në dy procedurat e tenderit me objekt “Blerje karburanti”, në vlerën 21.000.000 lekëve, të organizuara nga Autoriteti Kontraktor Bashkia Kukës përgjatë vitit 2023.
Për pasojë Granit Gjana akuzohet se ka dëmtuar interesat e ligjshëm të personit juridik “U. C.” Shpk, duke e penguar këtë subjekt për t’u kualifikuar në procedurën e prokurimit të mësipërm.
Por kush është ish-zv.kryetari i Bashkisë Kukës
Granit Gjana është personazhi i tretë i videoskandalit s*ksual të Safet Gjicit dhe Alma Kaçit në zyrën kryebashkiakut.
Pasi Safet Gjici i premtoi Alma Kaçit tenderin për qentë e rrugës pas aktit seksual, ai e adresoi tek vartësi i tij.
Granit Gjana është personi që merr kontakt me Alma Kaoin duke administruar dokumentacionin e plan-projektit për sterilizimin e qenve të rrugës.
Sipas të dhënave, Gjana ka pranuar se sipas udhëzimit që i dha kryetari i Bashkisë, Safet Gjici, ka pranuar dokumentacionin e Alma Kaçit për planin e ndërtimit të qendrës së sterilizimit dhe kastrimit të qenëve të rrugës.
Pas bërjes publike të videoskandalit, ish-zv.kryetari i Bashkisë Kukës u mor në pyetje nga SPAK.