Pjetër Rushaj humbi jetën tragjikisht ditën e djeshme së bashku me djalin e tij të mitur, pasi makina me të cilën udhëtonin u mor nga rrjedha e përroit në Malësinë e Madhe.
Advertisements
Rushaj ishte i njohur për ndërtimet karakteristike të zonës alpine në Malësinë e Madhe dhe Dukagjin dhe dje ishte duke udhëtuar në drejtim të fshatit Bogë të Malësisë së Madhe së bashku me djalin 14-vjeçar dhe vajzën e mitur.
Advertisements
Situata e reshjeve e ka shtyrë 50-vjeçarin, i cili kishte lënë Anglinë për të investuar në Shqipëri, të shkonte në fshatin Bogë ku kishte ndërtuar dy shtëpi së bashku me vëllain, të shikonte nëse kishte dëmtime në banesa dhe kishte marrë me vete edhe dy fëmijët e tij.
Në zonën e njohur si “Grykë Lugje” ishte tentuar të kalonte lumin, pasi në atë vend nuk ka urë, por qytetarët kalojnë përmes lumit. Ujërat e rrëmbyer të lumit nuk e kanë lejuar të vazhdojë duke i ndaluar makinën Benz.
Ai së bashku me djalin dhe vajzën kanë dalë nga mjeti, ndërsa vajzës i kishte thënë të shkonte në fshatin më të afërt të merrte kavo për të nxjerrë makinën.
Një valë e fuqishme e “Përroit të Thatë” ka rrëmbyer djalin e tij 14 vjeç, ndërsa Pjetër Rushaj është sulur që ta shpëtojë të birin. Asnjëri prej tyre nuk arrit që të dilte na uji.
Gjetja e trupave është bërë e mundur ditën e sotme pas 16 orësh kërkime, rreth 300 metra më poshtë makinës. 14-vjeçari J.Rushaj ka qenë pjesë e ekipit të Akademisë së Futbollit” Djelmnia Shkodrane.”