Një person ka vdekur dhe pesë të tjerë janë lënduar si pasojë e një aksidenti, i cili ka ndodhur të premten në rrugën Kaçanik-Ferizaj.
Advertisements
Lajmin e ka konfirmuar zyrtari i Policisë së Kosovës në rajonin e Ferizajt, Qazim Reka. Ai ka bërë të ditur se në aksident janë përfshirë tri vetura.
Advertisements
“Aksidenti ka ndodhur rreth orës 21:10. Në aksident janë përfshirë tri vetura, ndërsa si pasojë janë lënduar gjashtë persona njëri prej të cilëve ka ndërruar jetë”, ka thënë Reka.
Ai nuk ka dhënë detaje të tjera për shkaqet apo rrethanat e aksidentit. Viktima është i moshës së re. Sipas Indeksonline, viktima është 19-vjeçari, Lorent Trena.