Ankthi rreth zhdukjes së Alvaro Prieto është zëvendësuar nga dëshpërimi i miqve dhe familjes. Trupi i futbollistit 18-vjeçar nga Cordoba u gjet i pajetë midis dy vagonave të trenit në stacionin ‘Santa Justa’ në Seville, në qytetin andaluzian.
Advertisements
Aty, përgjatë hekurudhës, ditët e fundit ishin përqendruar kërkimet për djalin e zhdukur që më 12 tetor. Sepse kamera e fundit që e kishte pikasur, në orën 10.35 të mëngjesit të së premtes, ishte ajo e një kalimi që ndodhet pranë hekurudhës në stacionin ‘Santa Justa’.
Advertisements
Një vend në të cilin qasja ishte e ndaluar për shkak të rrezikut. Alvaro shkoi në Seville me një mik të enjten mbrëma. Pas një mbrëmjeje në disko, ai donte të kthehej me tren në Cordoba.
Të dyja qytetet janë afër dhe lidhen me trena të shpejtësisë së lartë, por kontrollorët nuk e kishin lejuar në trenin 7.35 sepse telefoni i tij nuk kishte bateri dhe për këtë arsye nuk mund të tregonte biletën hekurudhore.
Alvaro u përpoq të hipte në trenin tjetër, por u kap, u ndalua dhe u dëbua nga stacioni. Përpjekja e tretë ishte gjithashtu e pasuksesshme, e bërë pas një kalimi të rrezikshëm në një tunel dhe i frustruar nga punonjësit e hotelierisë së një treni tjetër.
Prej aty gjurmët e tij u zhdukën. Të hënën në mëngjes u zbulua trupi i futbollistit. Ndërsa transmetonte drejtpërdrejt, një reporter i TVE, rrjetit televiziv kombëtar spanjoll, kuptoi se midis dy vagonave të një treni që kalonte ishte një trup, i veshur me këmishë jeshile dhe pantallona bezhë, ngjyrat e veshjeve të Alvaros në mbrëmjen e zhdukjes së tij.
Forcat speciale kanë shkuar në vendngjarje dhe kanë konfirmuar identitetin e futbollistit të ri. Kompania hekurudhore bëri të ditur se treni ishte ndalur për shkak të një defekti prej javësh dhe se ishte zhvendosur vetëm dje në mëngjes për testim.
Kjo çoi në zbulimin e trupit. Për momentin nuk dihen shkaqet e vdekjes së Alvaros, priten rezultatet e autopsisë.
