Një ngjarje e rëndë ka ndodhur ditën e djeshme në Buzaishtë të Pogradecit ku një 12-vjeçare u gjet e vetëvarur në banesën e saj.
Advertisements
Të afërmit e saj duke folur për mediat kanë dhënë më shumë detaje rreth kësaj ngjarje që i ka tronditur.
Advertisements
Njëri prej tyre tha se vajza kishte vite larg nënës së saj pasi prindërit i kishte të divorcuar. Këtë verë, ajo ishte takuar për herë të parë pas 5 vitesh me të dhe mendohet që ky takim të ketë rënduar psikologjisht atë.
Në orën 2 më merr vëllai në telefon dhe më thotë kështu ajo mbesa është varur. Çfarë thua i thashë bre, se nuk kishte ndonjë gjë të ankohej se ishim familje e mirë. Duheshin, i mbante mirë. Sot ndjemë lajmin e hidhur. E kishte gjetur e gjyshja bashkë me të ëmën(njerkën)që ka aty, ato e kishin kërkuar se kishin prerë një cik dushk për kecat, kur ajo, ajo ishte varur atje ku i shtihet dushku kecave.
Ai thotë se problemi i vetëm që mund të kishte patur vajza ishte mungesa e mamasë pasi në familje nuk kishin probleme. Ajo shkonte në shkollë rregullisht, mësonte dhe familja e mbante mirë.
Jetonte me babanë me të ëmën (njerkën). Shkonte në klasë të 7 më duket, mësonte ishte shumë e mirë, pa probleme. Unë nuk e di çfarë mund ta ketë shtyrë, nuk jam në brendësi unë kur e mora vesh më erdhi shumë keq, thashë po si… se nuk dëgjonim gjë të grindeshin. Them ngaqë kishte nënën të larguar, e takoi vetëm 1 herë këtë behar, ka 4-5 vjet e larguar, këtë behar para dy muajsh e takoi, e kërkoi. Nuk e di ka ikur, ju lut ky(babai i vajzës)për ta marrë po ajo(nëna e vajzës) nuk donte, jo nuk jetoj këtu. Çupen vetëm këtë behar vetëm 1 herë e ka takuar dhe kaq . Ndihem shumë keq, se nuk është njeri i madh edhe nuk ka pasur asnjë shqetësim, shkonte për bukuri, nuk i ndihej zëri fare. Me vëllezërit dhe motrat e tjera shkonte mirë shumë ajo rriti dhe 2 të tjerë. Gjyshi dhe gjyshja e donin shumë, ata bënë çmos që e mbajtën ta rrisnin me shumë dashuri mirëpo ja që sdel, s’vete atje ku duhet.