Të tjera detaje janë mësuar nga vrasja e 33-vjeçares, Liridona Murseli mbrëmjen e (29 nëntorit), e cila tronditi Prishtinën dhe jo vetëm.
Advertisements
Fillimisht u raportua se 33-vjeçarja u vra nga disa grabitës, teksa ishte duke udhëtuar me makinë së bashku me bashkëshortin e saj dhe dy fëmijët.
Advertisements
Media kosovare, Indeksonline, raportoi mbrëmjen e sotme se policia e Kosovës arrestoi bashkëshortin, Naim Murseli, ish-këshilltar i Behgjet Pacollit.
Sipas burimeve të kësaj mediaje, Naimi është i përfshitë drejtëpërdrej në vrasjen e bashkëshortes së tij.
Policia mësohet se ka gjetur pamje filmike që dëshmojnë se Naim Mursel është takuar me autorin e vrasjes, Granit Plava, i cili po ashtu është vënë në pranga mbrëmjen e sotme.
Ai ka pranur fajësinë dhe është shprehur se ka qenë vetë Naim Murseli ai që e ka porositur vrasjen.
Sipas burimeve të Indeksonline, Naimi i kishte premtuar autorit , Granit Plava, 30 mijë euro për t’ia vrarë gruan.
Një pjesë të shumës autori e kishte marrë, ndërsa kishin rënë dakord që pjesën tjetër t’ia jepte më vonë.
Ndërkohë, Policia ka bërë të ditur se hetime intensive janë duke u zhvilluar në Gjakovë
Pas përfundimit të ekzaminimit të vendit të ngjarjes, janë ndërmarrë veprimeve intensive hetimore të cilat kanë rezultuar në arrestimin e dy personave të dyshuar lidhur me rastin e sipër shënuar.
Njësiti i hetimeve të përgjithshme të Prishtinës në koordinim me Prokurorinë është duke e vazhduar operacionin e bastisjes në dy lokacione në Gjakovë” ka bërë të ditur policia