Përmeti u trondit dje nga një vrasje. Krim në familje. Burri vrau gruan me shkop. Kujdestarja e të moshuarve që e gjeti gruan të vdekur tregon detaje nga vrasja e 80-vjeçares.
Advertisements
Ajo ka treguar në emisionin “Me zemër të hapur” se nuk paguhej, por shkonte pranë tyre pasi i vinte keq dhe iu çonte qumësht apo ushqime.
Advertisements
Gruaja rrëfeu se ishte njoftuar nga vetë Leonidha për Afrovitin, por se ai i kishte thënë se 80-vjeçarja ishte rrëzuar dhe ishte vrarë. Më pas kishte telefonuar infermieren e fshatit, e cila nga ana e saj kishte njoftuar policinë.
“Më njoftoi vetë Leonidha. Unë shkova pashë që kisha gjak dhe informova infermieren e fshatit. Ajo njoftoi policinë. Unë shkoja në mëngjes në orën 8:00 iu çoja qumështin. Biseda e fundit me Afrovitin ishte si gjithmonë, nuk më tregoi asgjë.
Nuk isha e punësuar. Ndonjëherë iu çoja dhe gjellë se ishin vetëm. Kur u çova qumështin ishin të dy bashkë. Ishin si gjithnjë. Iu thosha hajde të hamë bukë dhe ai i tha ‘Afroviti hajde të hamë speca’.
Unë nuk paguhesha nga familja, shkoja vetë pa pagesë, pa asgjë. Kur më tregoi, më tha se vdiq. I thashë se nga se vdiq, më tha se ishte rrëzuar, hajde ta ngremë. Unë nuk shkova ta ngrija. Ai ishte i qetë, as nuk qante.
Nuk na foli fare mua e infermieres. Infermierja tha se ka mbaruar”, tregoi dëshmitarja e ngjarjes. Ndërkohë i moshuari ndodhet në spital pas arrestimit pasi ka shfaqur probleme me zemrën.