27-vjeçari shqiptar, Leonard Farruku ndërroj jetë pak kohë më parë pa e ditur se ai kishte fituar të drejrën për të punuar në Angli e drejtë e cila iu dha nga Home Office. I riu shqiptar kishte mbërritur në Angli prej një viti dhe qëndronte në një azil në Bibby Stokholm.
Advertisements
Leonard Farruku u kishte paguar kontrabandistëve 4,000 euro për të shkuar në Britani ilegalisht me një varkë të vogël përtej Kanalit në gusht 2022. Më pas ai kishte kërkuar azil dhe kërkesa e tij po shqyrtohej në mënyrë aktive nga Zyra e Brendshme në kohën e vdekjes së tij më 12 dhjetor të vitit të kaluar. Farruku kishte aplikuar për të punuar në një profesion me mungesë, siç lejohet sipas rregullave të Home Office dhe e kishte fituar. Lajm të cilin nuk arriti ta merrte arsye e cila ende mbetet e dyshimte pasi autoritet thone se disa ditë para vdekjes së të riut i ishte dërguar njoftimi.
Advertisements
Atij iu dha një leje për të punuar në Mbretërinë e Bashkuar për dy vjet deri në dhjetor 2025 dhe, siç u zbulua të shtunën nga The Telegraph, mund të ishte bërë një nga të paktën 16,000 azilkërkuesit e lejuar të merrte punë në profesione të cilat janë në mungesë në vend. Leja e tij iu dërgua avokatëve të tij në Londër dhe u mor më 7 dhjetor, pesë ditë para vdekjes së tij. Thirrjet telefonike nga avokatët dhe një mesazh në whatsapp me një kopje të lejes së dërguar nga një kushëri me bazë në Mbretërinë e Bashkuar të cilat tregojnë se njoftimi për pune nuk i arriti kurrë 27-vjeçarit. Nuk dihet pse, megjithëse dyshohet se ai mund të ketë ndryshuar numrin e tij.
Farruku dyshohet se i ka dhënë fund jetës në bordin e Bibby Stockholm në portin Portland, Dorset pasi u ankua për shëndetin e tij mendor. Emigrantët e tjerë pretendojnë se kanë dëgjuar të bërtitura dhe përplasje në murin e kabinës së tij atë natë.
Nëse Farruku do të kishte marrë lejen e punës, do të paguhej 80 për qind e tarifës së funksionimit për këtë punë. Ai mund të kishte lënë maune nëse do të kishte mundur të gjente strehim privat me qira. Në lidhje me ngjarjen ka reaguar edhe motra e viktimës, Jola Dushku e cila u shpreh se vëllai i saj kishte shkuar në Angli për një punë më të mirë si dhe për të qëndruar me leje atje.
“Ai erdhi në Mbretërinë e Bashkuar me ëndrrën për të gjetur punë më të mirë dhe, më e rëndësishmja, për të marrë leje të pacaktuar për të qëndruar në MB. Për të arritur lejen e pacaktuar të qëndrimit, Leonard donte të përmbushte të gjitha kërkesat e Home Office. Po kur i thanë se akomodimi i tij i ri do të ishte në atë varkë ku ai kaloi ditët e fundit të jetës së tij,” u shpreh motra e të riut.
27-vjeçari kishte lindur në veri të Shqipërisë dhe gjatë adoleshencës ishte transferuar në Tiranë ku punoi si shofer picash. Pasi humbi babanë dhe nënën e tij, ai vendosi të shkonte në Angli duke u thënë të afërmve se donte të hapte një studio muzikore dhe të shkruante një libër.